Love Poems, Songs and Videos by www.myads.org

Custom Search

Miscellaneous Couplets in Urdu

Ishq par zor nahin hai ye woh aatish 'Ghalib' 
Jo lagaaye na lage aur bujhaaye na bane 	   
- 'Ghalib'	   
	 
[ aatish = fire ] 

The above couplet means, "No one can control love, it is such a
flame, Oh Ghalib, that cannot be set or exteinguished by any
will."


'Umr-e-daraaz maang kar laaye the chaar din 
Do aarzoo mein kat gaye do intezaar mein 	   
- 'Zafar'	   
	 
Zaahid sharaab peene de masjid mein baith kar 
Ya woh jagah bata de jahan par Khuda na ho 	   
- 'Daag'	   
	 

Na kisi ki aankhon ka noor hoon, Nakisi ke dil ka qaraar hoon 
Jo kisi ke kaam na aasake main woh ek musht-e-ghubaar hoon 	   
- 'Zafar'	   

Runj se khugar hua insaan to mit jaata hai runj 
Mushkilein mujh par padi itni ke aasaan ho gayi 	   
- 'Ghalib'	   

	 
Gulshan parast hoon mujhe gul hi nahin 'azeez 
Kanton se bhi nibah kiye jaa raha hoon main 	   
- 'Jigar Muradabadi'	   
	 
  
Ahle zabaan to hain bohut koi nahin ahle dil 
Kaun teri tarah 'Hafeez' dard ke geet ga sake 	   
- 'Hafeez Jalandhari'	   
	 
  
Laayi hayaat aaye qaza le chali chale 
Apni khusi aaye na apni khushi chale 	   
- 'Zauq'	   
	 
  	 
Achchhe Isa ho mareezon ka khayal achchha hai 
Hum mare jaate hain tum kehte ho haal achchha hai 	   
- 'Amir Meenai'	   
	 
  
Bohut shor sunte the pehlu mein dil ka 
Jo cheera to ek qatrah khoon na nikla 	   
- 'Aatish'	   
	 
  
  
Hasrat pe us musaafir bekas ke roye 
Jo thak ke baith jaata hai manzil ke saamne 	   
- 'Musahfi'	   
	 
  
  
Main jis mein aag bhar kar din raat peeta hoon 
Koi chhoo bhi nahin sakta woh jaam-e-aatish mera 	   
- 'Simaab'	   
	 
  
Bandagi ka mere andaaz juda hota hai 
Mera Ka'aba mere sajdon mein chhupa hota hai 	   
- 'Nama'loom'	   
	 
  
Kal raat zindagi se mulaqaat ho gayi 
Lub thar thara rahe the magar baat ho gayi 	   
- 'Shakeel Badayuni'	   
	 
  
Ishq ki chandni raatein mujhe yaad aati hain 
'Umr-e-raftah ko meri, mujh se mila de aakar 	   
- 'Akhtar Shirani'	   
	 
  
Toofaan-e-Nooh laane se ai chashm faaydah 
do ashk bhi bohut hain agar kuchh asar karein 	   
- 'Nama'loom'	   
	 
  
Dum-e-rukhsat zabaan to khul na saki 
Dil ki baatein huyin nigaahon mein 	   
- 'Nama'loom'	   
	 
  
Duniya ki yahi rasm hai, Romi ho ya Shaami 
Sultaan ki ghulaami, kahin mulla ki ghulaami 	   
- 'Nama'loom'	   
	 
  
Meri talab bhi usi ke karam ka sadqah hai 
Qadam yeh uthaate nahin hain, uthaaye jaate hain 	   
- 'Jigar'	   
	 
  
Chand tasweer-e-butaan, chand haseenon ke khutoot 
Ba'ad marne ke mere ghar se yeh saamaan nikle 	   
- 'Ghalib'	   
	 
  	 
  
Ek bose ke talabgaar hain hum 
Aur maange to gunahgaar hain hum 	   
- 'Zaar'	   
	 
  
Khanjar chale kisi pe tadapte hain hum 'Ameer' 
Saare jahan ka dard hamaare jigar mein hai 	   
- 'Ameer'	   
	 
  
'Umr to saari kati ishq-e-butaan mein 'Momin' 
Aakhri waqt mein kya khak musalmaan honge 	   
- 'Momin'	   
	 
  
Ek mo'ammah hai samajhne kana samjhaane ka 
Zindagi kahe ko hai, khwaab hai deewaane ka 	   
- 'Faani'	   
	 
  
Saadiq hoon apne qaul mein 'Ghalib' Khuda gawah 
Kehta hoon sach ke jhoot ki aadat nahin mujhe 	   
- 'Ghalib'	   
	 
  
Woh qayamat thi teri yaad ke gum hosh raha 
Saara aalam mujhe aye dost faramosh raha 	   
- 'Shaad'	   
	 
  
Mohabbat ho na ho unko mujhe kya main to aashiq hoon 
Na hone se hai uske kya, agar hoti to kya hota 	   
- 'Akbar Allahabadi'	   
	 
  
Aye sanam jis ne tujhe chaand si soorat di hai 
Usi Khuda ne mujh ko bhi mohabbat di hai 	   
- 'Nama'loom'	   
	 
  
Zabaan kehne se ruk jaaye wahi dil ka hai afsaana 
Na puchho mai kashon se kyon chalak jaata hai paimaana 	   
- 'Irfan'	   
	 
  
Dhoondne se to bashar ko Khuda bhi milta hai 
Khuda agar dhoonde to insaan kahaan milta hai 	   
- 'Irfan'	   
	 
  
Hazaaron khawahishein aisi ke har khawahish par dum nikle 
Bohut nikle mere armaan, lekin phir bhi kum nikle 	   
- 'Ghalib'	   
	 
 
  
Mitti mein jis ke haq ne zar ka asar diya tha 
Saare jahan ko jisne ilm-o-hunar diya tha 	   
- 'Iqbal'	   
	 
  
Woh qatl bhi kar daale to charchaa nahin hota 
Hum aah bhi karte to ho jaate badnaam 	   
- An Indian lady 
	 

References